Quality Console hlýtur Lóustyrk

Í byrjun júnímánaðar bárust forsvarsmönnum Quality Console þær góðu fregnir að fyrirtækið hefði hlotið styrkúthlutun úr Lóu, nýsköpunarstyrkjum fyrir landsbyggðina.

Alls bárust 89 umsóknir frá fyrirtækjum og einstaklingum af hinum ýmsu sviðum og hlutu 27 umsóknir styrk. Það er því mikill heiður fyrir QC að hljóta styrk á borð við þennan.

Ljóst er að þetta er gríðarleg lyftistöng fyrir starfsemi Quality Console en með styrknum gefst forsvarsmönnum tækifæri á að innleiða eftirtektarverðar breytingar á gæðakerfinu ásamt því að hefja sókn í öflun viðskiptavina upp að vissu marki, en betur má ef duga skal.

Það eru því spennandi tímar framundan hjá Quality Console enda af nægum verkefnum að taka.