Quality Console í Hlunn Driftar EA

Undir lok síðasta árs bárust forsvarsmönnum Quality Console afar gleðilegar fréttir: félagið hafði verið valið inn í Hlunn Driftar EA á Akureyri.

Drift EA er nýtt nýsköpunarsamfélag á Akureyri sem stofnað var með það að markmiði að byggja upp og efla frumkvöðla- og uppbyggingarstarf á Eyjafjarðarsvæðinu.

Hlunnurinn (e. incubator) er prógram fyrir nýsköpunarfyrirtæki á Akureyri á vegum Driftar EA sem býður fyrirtækjunum upp á ráðgjöf, aðstöðu og fjármagn í ákveðinn tíma.

Ljóst er að þetta er mikill heiður og einstakt tækifæri sem Quality Console gefst enda aðsóknin og áhuginn mikill inn í prógram Driftar. Þá er þetta enn ein staðfestingin á þeirri þörf sem Quality Console býður upp á lausn við: að einfalda utanumhald gæðamála hjá framleiðslufyrirtækjum.