Ísfélagið notar Quality Console

Quality Console mætti annað árið í röð á alþjóðlegu sjávarútvegssýninguna í Barcelona í byrjun maí mánaðar til þess að kynna stafræna gæðakerfið okkar. Margt var um manninn eins og við var að búast og er afskaplega fróðlegt að sjá allt hugvitið og nýsköpunina hvaðanæva að úr heiminum.

Við erum þó sérstaklega stoltir af því að hafa handsalað samning við Ísfélagið um áskrift að gæðakerfi Quality Console fyrir vinnslu þeirra á Siglufirði. Þetta er stór áfangi fyrir okkur – bæði vegna traustsins sem Ísfélagið sýnir okkur og vegna þess að samstarfið markar skref í átt að enn betri yfirsýn og utanumhaldi í gæðamálum íslenskra sjávarútvegsfyrirtækja.

Á myndinni með fréttinni má sjá Kristínu Margréti Halldórsdóttur, gæðastjóra Ísfélagsins, og Fjölni Unnarsson, stofnanda og framkvæmdastjóra Quality Console.