Quality Console á sjávarútvegssýningunni í Barcelona

Fjölnir og Þorsteinn skelltu sér í fyrsta skipti til Barcelona að sækja sjávarútvegssýninguna Seafood Expo í apríl síðastliðnum.

Myndin er tekin við bás Samherja, sem er einmitt samstarfsaðili og fyrsti notandi kerfisins.

Markmið ferðarinnar - að skemmtun undanskilinni - var að kynna kerfið og ná samtölum við tilvonandi viðskiptavini.

Ferðin gekk vel og má segja að hún hafi verið fyrsti liðurinn í metnaðarfullum áformum forsvarsmanna um framhald fyrirtækisins og vexti þess úr gæluverkefni og yfir í sjálfbæran rekstur, en nálgun Quality Console á gæðakerfi fyrir matvælavinnslur á sannarlega við fleiri en þá sem þessa stundina nota kerfið.